Aniversarios
Festa de princesas: ideas para un aniversario no que xogan todos
As festas de princesas son das que máis se piden entre os 3 e os 7 anos. Funcionan de marabilla cando hai unha historia que fía os xogos e cando ninguén queda fóra porque non lle apetece ir de rosa.
Unha historia que o une todo
Por exemplo: a coroa do reino desapareceu e só os convidados poden atopala. Cada xogo é unha proba do camiño, e ao final a coroa aparece e celébrase co baile de palacio. Cunha historia así, os nenos non saltan dun xogo a outro: avanzan nunha aventura.
Xogos que encaixan
- O baile de palacio: estatuas musicais con pasos de baile sinxelos.
- A ponte do dragón: equilibrio por un camiño marcado no chan.
- As xoias agochadas: busca pola sala ou polo xardín.
- Obradoiro de coroas e variñas, que ademais levan para a casa.
- Pintacaras cun toque de brillo cosmético e un anaco de globoflexia.
Que ninguén quede fóra
Nun reino caben princesas, príncipes, cabaleiras, dragóns e magos. Se cada neno escolle o seu papel, os que non queren coroa tamén se meten na historia. O disfrace, mellor opcional: hai quen goza igual coa súa roupa de sempre.
Consello de mestra: con menores de 4 anos, xogos curtos e sen eliminación. Que todos cheguen ao final coa súa coroa.
Decoración sen volverse tolo
Abondan tres cousas: un recuncho de trono para as fotos, un camiño que marque a entrada ao reino e a torta como final. Mellor poucos detalles ben postos que encher a casa de cousas que ninguén mira.
Se queres que a preparemos nós, propoñémosche unha animación infantil temática coa historia, os xogos e o pintacaras incluídos.
Escríbeo AnaMestra de Educación Infantil e monitora de lecer e tempo libre. Anima festas en Vigo e arredores dende 2016.